सातदलको संयुक्त सभा भैरहवामा शुरु

२१ जनवरी, ०८ । संविधानसभाको चुनावी माहौल वनाउन सात राजनितिक दलले आयोजना गर्दै आएका संयुक्त सभाको तेस्रो संस्करण आज भैरहवामा हुँदैछ । सदभावना पार्टी आनन्दीदेवीको मुख्य आयोजनामा हुन लागेको सो सभामा सातै राजनितिक दलका दोस्रो दर्जाका नेताहरुले वोल्ने कार्यक्रम रहेको छ । सभालाइ सदभावना पार्टी आनन्दीदेवीका उपाध्यक्ष श्यामसुन्दर गुप्ता, एमालेका झलनाथ खनाल, माओवादीका टोपवहादुर रायमाझि, जनमोर्चाका अमिक सेरचन, वाममोर्चाका सीपी मैनाली र नेपाली कांग्रेसका गोपालमान श्रेष्ठले संवोधन गर्ने कार्यक्रम रहेको छ । सभाको सवै तयारी पुरा भएको र सुरक्षा ब्यवस्थालाइ प्रमुख प्राथमिकता दिइएको आयोजक सदभावना पार्टी आनन्दीदेवीले जनाएको छ । राजधानी र विराटनगरमा आयोजीत सभामा वम विष्फोट भएपछि आयोजक र प्रसासनले सुरक्षा ब्यवस्था कडा पारेका छन् । सभलाइ वाइसिएल, तरुण दल र पिपुल्स भोलेन्टिर्यका कार्यकर्ताहरुले पनि सुरक्षा दिनेछन् । सभामा करिव दुइलाखको सहभागीता हुने अनुमान गरिएको छ । सभामा भाग लिन रुपन्देही, कपिलवस्तु, नवलपरासी, पाल्पा लगायतका जिल्लावाट सर्वसाधारण आउनेछन् ।