संसदबाट गणतन्त्र घोषणा गरे निर्वाचन हुन सक्दैन

नेपाली काँग्रेसका केन्द्रिय सदस्य डा. शेखर कोइरालाले संसदबाट गणतन्त्र घोषणा गरि संविधानसभा निर्वाचन हुन नसक्ने दावी गर्नु भएको छ । जनादेशले अनुमोदन गरे पछि मात्र गणतन्त्र कार्यन्वयन वैधानिक हुने उहाँको भनाइ छ ।
रिपोर्टर्स क्लवले आज राजधानीमा आयोजना गरेको कार्यक्रममा बोल्दैं कोइरालाले संसदबाट गणतन्त्र घोषणा गर्दा संविधानसभा हुन सक्ने संभावना नरहने बताउनु भयो । यद्धपी उहाँले काँग्रेस संविधानसभा पछि लागु हुनेगरि गणतन्त्र घोषणा गर्न तयार रहेको बताउनु भयो ।
पुर्ण समानुपातिक निर्वाचनको पक्षमा काँग्रेस जान नसक्ने स्पस्ठ पार्दै कोइरालाले पुर्ण समानुपातिकमा जादा व्यक्तिगत स्वतन्त्रता नरहने तर्क गर्नु भयो । माओवादी नेता सी. पी. गजुरेलले राजसंस्थाको दाहसंस्कार पछि राष्ट्रवादीहरु पलायन नहुन् भन्ने मान्यतामा रहेर अध्यक्ष प्रचण्डले राजाका वरपरका राष्ट्रवादीहरु समेतलाई पनि अभिव्यक्ती दिएको जिकिर गर्नु भयो ।